Search This Blog

Showing posts with label Baby. Show all posts
Showing posts with label Baby. Show all posts

Sunday, October 8, 2017

குழந்தையை தூங்க வைக்க சிறந்த யோசனைகள்..!




ஓர் குழந்தை வீட்டிலிருந்தால் போது வீட்டையே இரண்டாக்கி வீட்டில் உள்ள அனைவரும் சுறுசுறுப்பாய் இருக்குமாறு வேலை வாங்கிடும். குழந்தையை ஓரிடத்தில் உட்கார வைத்துவிட்டு நம்மால் நிம்மதியாக அங்குமிங்கும் நகரக்கூட முடியாது. 24 மணி நேரமும் குழந்தையை கண்காணித்துக் கொண்டேயிருக்க வேண்டியிருக்கும். இந்த சூழ்நிலையில் பெற்றோருக்கு ஓய்வு என்பது குழந்தை தூங்கும் நேரம் மட்டும் தான். நாள் முழுவதும் விளையாடினாலும் தூங்குவேனா என்று அடம் பிடிக்கும் குழந்தைகளை தூங்க வைக்க முத்தான யோசனைகள்.
கண்
குழந்தை சுறுசுறுப்பாக விளையாட வேண்டும் என்ற எண்ணத்தில் இருக்கும். அதனை கண்களை பார்த்து பேசுவதை, சிரிப்பதை தவிர்த்திடுங்கள். ஆரம்ப நிலைகளில் குழந்தை கண்ணைப் பார்த்து மட்டும் தான் இன்னார் நம்முடன் பேசுகிறார்கள் என்பதை புரிந்து கொள்ளும். நீங்கள் குழந்தையின் கண்ணை பார்த்துக் கொண்டிருந்தால் ஏதோ நம்மிடம் சொல்கிறார்கள் என்று குழந்தையும் ஆவலுடன் காத்திருக்கும்.
குழந்தை மட்டும் தனியாக


விளக்கை போட்டுவிட்டு, வீட்டில் தொலைக்காட்சியை அலறவிட்டு உள் அறையில் குழந்தையை தூங்கச் சொல்லி தட்டிக் கொடுத்தால் குழந்தை தூங்காது. குழந்தை தூங்குவதற்கான சூழ்நிலையை உருவாக்குங்கள். அறையை இருட்டாக்கிடுங்கள், குழந்தைக்கு அருகில் நீங்களும் படுத்துக் கொள்ளுங்கள், அலைபேசி பார்ப்பதோ அல்லது பாட்டு கேட்பதோ கூடாது. அதிக குளிர் இல்லாது அணைப்பாக இருந்தால் நல்லது.
டயப்பர்
பகலில் எந்த நேரத்தில் டயப்பர் போட்டிருந்தாலும் இரவு படுக்கச் செல்வதற்கு முன்னால் டயப்பரை மாற்றிடுங்கள். ஏனென்றால் இரவு முழுவதும் கிட்டத்தட்ட 8 முதல் 10 மணி நேரம் வரை குழந்தை தூங்க வேண்டும். அவ்வளவு நேரமும் போடப்பட்டிருப்பதால் குழந்தைக்கு அரிப்பு ஏற்பட வாய்ப்புண்டு.
சத்தங்கள்
குழந்தைகள் சின்ன சின்ன சத்தங்களுக்கு எல்லாம் அதிர்ந்து விடும். தூங்கச் சென்ற பிறகு மின் அரைப்பான் (மிக்ஸி) போடுவது குத்துப் பாடல்களை கேட்பது, கத்திப் பேசுவது போன்றவற்றை தவிர்த்திடுங்கள். ஒரு முறை அதிர்ந்தால் அது சாதாரண நிலையை எட்ட அதிக நேரம் எடுக்கும். தலையை வருடிக் கொடுத்து, தட்டிக் கொடுங்கள். அமைதிப்படுத்துங்கள்.
பழக்கம்
தினசரி இரவு தூங்கும் நேரத்தை ஒரே நேரத்தில் கடைபிடியுங்கள். மாலை நேரத்தில் குழந்தையை தூங்க வைத்தால் அது, சரியாக இரவு நாம் தூங்கும் போது முழித்துக் கொள்ளும். இரவு தூங்குவதற்கு தாமதமாகும். இதனால் நேரம் மாற்றி நேரம் குழந்தையை தூங்க வைக்காதீர்கள்.


சுறுசுறுப்பு
குழந்தை திடீரென்று தூக்கத்தில் முழித்துக் கொண்டால் உடனேயே அதனை தூக்கி வெளியே செல்லாதீர்கள் அல்லது விளக்கை போட்டு அதிக வெளிச்சத்தை உண்டாக்கி அந்த சூழலையே மாற்றாதீர்கள். உடனேயே குழந்தை தன்னிடம் விளையாட வருகிறார்கள் என்று அதற்கு தயாராக வேண்டும் என்று நினைத்துக் கொள்ளும். அமைதிப்படுத்துங்கள், உடை, போர்வை இவற்றை சரிப்படுத்துங்கள். தாய்ப்பால் குடிக்கும் குழந்தையாக இருந்தால் தாய்ப்பால் கொடுக்கலாம்.

Tuesday, October 3, 2017

குழந்தைகள்முன் ஆடை மாற்றுவது சரியா?...

why-should-avoid-dress-changing-infront-of-kids


குழந்தைகளின் இன்றைய வளர்ச்சி ஜெட் வேகத்துக்கு மாறிவிட்டது. 3 வயது குழந்தை, பாலியல் வன்கொடுமைக்கு உள்ளாக்கப்படுகிறது.

வளர்இளம் பருவத்தை எட்டும் சிறுவர்கள், பாலியல் குற்றங்களில் ஈடுபடுவது, பாலியல் படங்களைப் பார்க்கும் நோயாளிகளாக மாறுவது என, குழந்தைகள் சிறு பருவத்திலேயே பாலியல் குழப்பங்களுக்கு ஆளாகின்றனர்.



பெற்றோர் செய்வதை அப்படியே காப்பியடிப்பதும், கொஞ்சமாகத் தெரிந்த விஷயங்களை ஆர்வத்தோடு தேடித் தெரிந்துகொள்வதும் இந்த வயதின் இயல்பு.

பெற்றோர் கவனக்குறைவாகச் செய்யும் பல தவறுகள், குழந்தைகளை வேறு பாதைக்குக் கொண்டுசெல்கிறது. அவற்றில் ஒன்று, குழந்தைகள் முன்பு உடை மாற்றுவது. குழந்தைதானே அவர்களுக்கு என்ன புரியப்போகிறது என்ற எண்ணம் ஒரு பக்கம்.

சிறு வயதிலேயே பெண்ணுடல் பற்றித் தெரிந்துகொண்டால், அவர்களின் எண்ணத்தில் வித்தியாசம் தெரியாது என்று நினைக்கிற அம்மாக்கள் இருக்கிறார்கள்.

‘‘பச்சிளம் குழந்தையாக இருந்தாலும் ஆண், பெண் இருவருமே, அவர்கள் முன்பு உடை மாற்றுவதைத் தவிர்க்க வேண்டும். குழந்தைக்கு ஒரு வயது ஆகும் போதே அனைத்து விஷயங்களும் தெரியும்.

ஒரு வயதில் இருந்தே குழந்தையின் முன்பு டிரஸ் செய்வதை கட்டாயம்  தவிர்க்க வேண்டும். வெளிநாடுகளின் கலாச்சாரம் வேறு., எனவே அங்கு வளரும் குழந்தைகளுக்கு உடை என்பது பெரிய விஷயமாக ஈர்ப்பதில்லை.

ஆனால் நம் நாட்டு குழந்தைகள் அப்படி வளர்க்கப்படவில்லை. சமூகமும் அதுபோன்று மாறவில்லை எனும்போது நாம்தான் குழந்தைகள் முன்பு ஜாக்கிரதையாக நடந்து கொள்ள வேண்டும்.



உடை மாற்றும்போது நம்மை பார்க்கும் குழந்தைகளின் மனதில் அதிர்ச்சி ஏற்படும். அவற்றை அவர்களால் காட்டத் தெரியாது. அவை அப்படியே தொடரும்போது பாலியல் குழப்பத்துக்கு ஆளாவார்கள்.

குழந்தைகள் தன்னைச் சுற்றி நடக்கும் சூழலில் இருந்தே பெரும்பாலான விஷயங்களைக் கற்றுக் கொள்கிறார்கள். குழந்தைகளுக்கு நாம் கற்றுத்தரும் விஷயங்களின் ரோல்மாடலாக பெற்றோரே உள்ளனர்.

இதை ஒவ்வொரு பெற்றோரும் மனதில் கொள்ள வேண்டும். குளிப்பது, உடுத்துவது என்று பெற்றோரின் தனிமையை குழந்தைகளுக்கு மிகச்சிறு வயதில் இருந்தே புரிய வைக்க வேண்டும்.

வீட்டில் இருக்கும் போது ரிலாக்ஸ்டாக இருக்க வேண்டும் என்ற எண்ணத்தில் பெற்றோரான ஆண், பெண் இருவருமே குழந்தைகள் முன் முகம் சுழிக்கும் படியாக உடுத்தக் கூடாது.

Sunday, October 1, 2017

குழந்தைகள் எப்போது எதற்காக அழுகிறார்கள் என்று தெரியுமா!

reasons,baby crying

அழுத குழந்தை தான் பால் குடிக்கும் என்பார்கள்!



அது உண்மை தான். இரண்டு வயது வரை, குழந்தைகள் அழுவதன் மூலம்தான் பெற்றோரின் கவனத்தை ஈர்க்க முயற்சி செய்வார்கள். அழுவதன் மூலம் குழந்தை அதிக ஆக்சிஜனை உள்ளிழுக்கும், உடலின் எல்லா தசைகளும் பயிற்சி பெறும், இது குழந்தையின் உடல் நல்ல முறையில் வளர்ச்சியடைய உதவும். வளரும் குழந்தை தகவல் பரிமாறக்கூடிய ஒரே வழி அழுகை மட்டுமே, சொற்களைப் பேசும் திறன் பெறும் வரை, அழுகை மூலமே குழந்தை மற்றவர்களின் கவனத்தை ஈர்க்கும்.
இங்கு நாம் பிறந்த குழந்தை முதல் 12 மாதங்கள் வரையிலான குழந்தைகளின் அழுகை தொடர்பான தேவைகளைப் பற்றிப் பார்ப்போம்.


அழுவது என்பது கவனத்தைப் பெறுவதற்கான வழி (Crying, a call for attention)
ஒரு குழந்தை அதன் பல்வேறு தேவைகளுக்காக தாயின் கவனத்தைப் பெறுவதற்காக அழுகிறது. அடிப்படையில், ஒரு குழந்தை அழுதால், அதற்கு தாயிடமிருந்து ஏதோ தேவைப்படுகிறது என்று பொருள், அல்லது பின்வரும் சில காரணங்களால் குழந்தைக்கு ஏதோ அசௌகரியம் உள்ளது என்று பொருள்:

பசி

உடலில் ஏதேனும் வலியின் காரணமாக, அசௌகரியமாக உணரலாம்
ஏதேனும் பொருள் குழந்தையின் உடலில் அசௌகரியம் அல்லது வலியை ஏற்படுத்தலாம், உதாரணத்திற்கு ஈரமான நாப்பி, அல்லது ஆபரணங்கள் போன்றவை
தூக்கத்திற்காகப் போராடலாம்



பசியில் அழலாம் (A call for food)

வளரும் குழந்தையின் அடிப்படையான மூன்று தேவைகளில் குழந்தையின் வளர்ச்சிக்கான உணவும் ஒன்று. தாய்க்கு ஏற்கனவே குழந்தைகளை வளர்க்கும் அனுபவம் இருந்திருந்தால், குழந்தை சத்தமாக அழும் முன்பே, குழந்தையின் தேவை என்ன என்பதை குழந்தையின் அழுகை மற்றும் சில அடையாளங்களை வைத்து அவரால் கண்டுபிடிக்க முடியும். குழந்தை அழும்போது, குழந்தையை தாய் தனக்கு நெருக்கமாக தூக்கி வைத்துக்கொள்ள வேண்டும், இந்நிலையில் குழந்தை தனது தலையை தாயின் கைகளை நோக்கித் திருப்பினால், குழந்தைக்குப் பசிக்கிறது என்று பொருள். குழந்தை தனது விரலை வாயில் வைப்பதும், இதையே குறிக்கும். இந்த சைகைகள் தாய்க்குப் புரியாவிட்டால், குழந்தை இன்னும் சத்தமாக அழத் தொடங்கும். குழந்தைக்கு உணவளித்ததும் குழந்தை அழுகையை நிறுத்தி அமைதியாகிவிடும். இதை வைத்து, குழந்தை அழுததற்கு பசி தான் காரணம் என்பதை உறுதிப்படுத்திக்கொள்ளலாம்.
ஏதோ அசௌகரியமாக உள்ளது என்பதைத் தெரிவிக்க அழலாம் (Help! It is hurting)

குழந்தைக்கு ஏதேனும் வலியோ, அசௌகரியமோ இருந்தால், குழந்தையால் அதனை வார்த்தையால் கூற முடியாது, அழுவதன் மூலம் அல்லது இன்னும் சத்தமாக அழுவதன் மூலமே தெரிவிக்க முடியும். இதுபோன்ற சூழ்நிலைகளில் குழந்தை திடீரென்று அழும், தொடர்ந்து அழும். குழந்தை இப்படி அழ பல்வேறு காரணங்கள் இருக்கலாம், இதுதான் காரணமாக இருக்கும் என்று நீங்களாகவே நினைத்துக்கொண்டு மருந்து எதுவும் கொடுக்கக்கூடாது. குழந்தைக்கு மருந்து எதுவும் தேவையில்லை, மேலும் கடைகளில் கிடைக்கும் பெரும்பாலான மருந்துகள் மயக்கத்தை வர வழைப்பவையே, அதாவது இந்த மருந்துகளால் குழந்தை நன்கு தூங்கும், அவ்வளவே. குழந்தைக்கு உணவு செரிக்காமல் போவதாலும் வலி இருக்கலாம், வயிறு வலியாக இருக்கலாம் அல்லது காத்து, மூக்கு அல்லது தொண்டையில் ஏதேனும் நோய்த்தொற்று இருக்கலாம். பூச்சி ஏதேனும் கடித்திருந்தாலும் அழலாம். குழந்தையின் உடலில் வெப்பம், தோல் சிவந்து போதல் அல்லது வீக்கம் போன்ற ஏதேனும் அறிகுறிகள் உள்ளதா என்று கவனமாகப் பார்த்துக் கண்டறிய வேண்டும். இதன் மூலம் உடலில் எந்தப் பகுதியில் குழந்தைக்கு பிரச்சனை அல்லது வலி உள்ளது என்று கண்டறியலாம்.
குழந்தையின் உடலில் ஏதேனும் பொருள் அழுத்தி, வலியை ஏற்படுத்தலாம், இதனாலும் குழந்தை தொடர்ந்து அழலாம். அப்படி ஏதேனும் பொருள் குழந்தைக்கு அசௌகரியம் ஏற்படுத்துகிறதா எனப்பார்த்து, அதை அகற்றவும். அது மெத்தையில் இருக்கும் ஏதேனும் சிறிய பொருளால் இருக்கலாம், அல்லது பொம்மைகளில் இருக்கும் சிறு பொருள்கள் ஏதேனும் குத்தலாம், அழுத்தலாம்.
ஈரமான, அழுக்கடைந்த நாப்பியை அணிந்துகொண்டு நீண்ட நேரம் இருந்தால் எந்தக் குழந்தையும் அழவே செய்யும்! சில குழந்தைகள் நாப்பியை உடனடியாக மாற்றாவிட்டால் அழுது கூப்பாடு போடும்! சில குழந்தைகள் சிறிது நேரம் அமைதியாகக் காத்திருக்கும். நாம் அவர்களி­­­­­­­­ன் பொறுமையை சோதிக்கக்கூடாது!

தாயின் அரவணைப்புக்காக! (Hold me close)

குழந்தை களைத்திருக்கிறது தூங்கிவிடும் என்­­­று நீங்கள் நினைக்கலாம். ஆனால், அவ்வளவு சீக்கிரம் குழந்தைகள் தூங்கிவிடமாட்டார்கள்! குழந்தைக்கு எரிச்சலாக இருக்கும், உடனே அழத்தொடங்கும்! இந்நிலையில் குழந்தைக்கு உங்கள் அரவணைப்பு தேவைப்படும், குழந்தையை உங்களுடன் நெருக்கமாக அணைத்துக்கொள்ள வேண்டும். சௌகரியமாகவும், பாதுகாப்பாகவும் இருக்கிறோம் என்ற உணர்வு வந்த பிறகே குழந்தைகள் தூங்குவார்கள்.'



சில சமயம் ஏன் அழுகிறது என்று யாருக்கும் தெரியாது! (God only knows why the baby cries)
குழந்தைகள் அழ எல்லா நேரமும் ஏதேனும் காரணம் இருக்கும் என்று கூற முடியாது. சில சமயம், எந்த காரணமும் இல்லாமலே குழந்தைகள் தொடர்ந்து அழுதுகொண்டிருக்கலாம். குழந்தைக்கு வேறு என்ன தெரியும்! அழத்தான் தெரியும்!

குழந்தையின் அழுகை எப்போதும் ஒரே மாதிரி இல்லை என்பதை விரைவில் நீங்கள் தெரிந்துகொள்வீர்கள், ஒவ்வொரு முறை ஒவ்வொரு தொனியில் இருக்கும், எவ்வளவு நேரம் அழுதுகொண்டிருக்கிறது என்பதும் மாறும். சிறிது கால அனுபவத்தில், குழந்தையின் பல்வேறு வகையான அழுகைக்கான காரணங்களை நீங்கள் புரிந்துகொள்ள முடியும். குழந்தை அழுவது உங்கள் கவனத்தை ஈர்ப்பதற்காக என்றும், உங்களுடன் ஒரு பந்தத்தை ஏற்படுத்திக்கொள்ளவே அழுகிறது என்பதையும் புரிந்துகொள்வீர்கள், அது ஓர் அற்புதமான உணர்வும் கூட!

அதிகாலையில் உறவு கொள்வதுதான் பிடிக்குமா?… அப்போ இதையும் சேர்த்து ட்ரை பண்ணுங்க!!

ஆண்கள் பொதுவாக காலையில் எழுந்திருக்கும் போதுதான் அதிக உணர்ச்சிப் பெருக்கில் இருப்பார்கள். அதிலும் அழகிய காதலி அவருடைய அருகில் இருந்தா...